一路都覺得世盃體現愛國精神，前晚加納對捷克場波，加納後衞彭素爾就好騎呢，喺隊友入波及賽後，都從波襪抽支以色列國旗出嚟，對住鏡頭猛咁揚；判官睇通宵波睇到頭暈暈，差啲以為以色列入咗決賽周㖭！原來呢個彭素爾效力以色列球隊沙巴卡法夏普爾，唔知係咪討好以色列球迷，先搏命向以色列「示愛」，判官覺得應該制止佢咁做，始終係代表緊加納嘛！