虞天偉1983年開始在北角開設護老院，高峯時期開了三間，逾200個床位。他說︰「我5歲喺內地嚟香港，家姐落咗嚟後喺九龍塘老人院做過，佢同我講呢行有得做，嗰時我仲發緊明星夢，但佢哋不停勸我，誤打誤撞咪試吓。」最初兩姊弟合作，後來分開經營，現只餘北角一間護老院︰「自己都有攰嘅一日，做咗咁耐，細路已出身，唔想咁大壓力。因為呢個係一個人，人哋父母，一個道德性職業，但請返嚟嘅姑娘可否將老人家當正自己父母？變咗管理時付出心機特別多，多啲巡多啲睇，如果當係投資就易出事。」
面對疫情，虞天偉說經營老人院要格外留神︰「老人家免疫能力低，萬一染到康復能力低，我同啲姑娘講，一定要消毒、口罩，樣樣嘢小心提防，就算冇嘢做我都返去，同佢哋作戰、打氣。」