香港U18足球隊上年去泰國集訓嗰陣，爆出有球員着港隊制服去酒吧飲酒睇波嘅醜聞，搞出連串風波。《中國足球報》周五亦報道，指正喺上海集訓嘅中國U19青年軍（圖），有六個球員偷偷哋走咗出去飲酒，而今次斷正嘅球員有陶強龍、何龍海、韓東、任麗昊、彭號同埋劉祝潤。國青隊暫時已經唔畀呢六位球員訓練，直至有真正處分結果。據大陸傳媒所講，呢支國青隊好可能會喺新球季加入中乙，但佢哋最近踢咗四場熱身賽，先後以1:1賽和上海U19、0:1輸俾上港預備組、2:3輸俾申花預備組，同埋2:2賽和泰州遠大U23，戰績認真麻麻，家陣仲要俾人捉到有球員違規飲酒，真係羞家。