當一隻黑天鵝出現，另一隻黑天鵝現身的機會就會大增，慢慢變得恒常化。今年先有武漢肺炎，引爆美股詩史式股災；4月我們見識過「負油價」，今個月就輪到港版國安法，由阿爺直接頒佈，無異於宣佈一國兩制「突然死亡」，觸發市場恐慌拋售，1,805億成交額，309億錢沽空，大裂口、大陰燭暴力插穿23000大關，短線縱然有反彈，都是死貓彈而已。
股市血流成河，港滙市場亦相當精采，3個月遠期抽升200點子，12個月更狂飆785點子創新高，意味交易員賭緊1年後，港滙會跌至7.83水平。最直接解讀是資金大幅流走；深一層諗法有兩個：一、官逼民反再爆社會衝突；二、國安法延伸至中美新一輪角力。上周五華府公佈新一批中國企業的制裁名單，可能是第一步反應，其後如取消香港享有的特殊待遇，將中港視作同等關係，關稅優勢消失殆盡，本港出口、物流業將受重創，經濟雪上加霜。
目前美國經濟遭受疫情重擊，復蘇無期，適逢遇上大選年，如此關鍵時刻，特朗普會選擇硬打「中國牌」爭選票，跟阿爺出招駁火？抑或「講就兇狠」，最後都係縮沙專心搞經濟？如是前者，港股將持續動盪，甚至可能受政治市拖累，要再試3月「疫情底」21139點。另一邊廂，歐美失業率暴升觸發債務違約、民眾拖欠供款問題，短期或引爆銀行業危機。
魏力
http://fb.com/2012jason
本欄逢周一、五刊出