麥長青（麥包）的太太林孜在2014年疑墮炒賣iPhone騙局，有人到無綫向麥包追債，早前麥包入稟高等法院索償百萬及向法庭申請禁制令阻滋擾，案件在本月初審理，昨日麥包在官司後首度現身，在郵輪碼頭偕米雪出席親子活動，不過麥包指官司未完結，今日在高等法院將進行結案陳詞，故此暫時不便透露太多，僅表示：「對方喺庭上承認我唔係騙徒，還我一個清白先。」並且坦言已當事情已告一段落。
直播暫時零收入
問到麥包和太太在這段期間，是否很憂心？他說：「遲啲先講，等個官判埋先，因為等個官判都要等兩、三個月。」由於這件事驚動了無綫，麥包曾覺得這次風波導致他遭公司雪藏，幸好最近麥包開始轉型，在網上搞直播，包括有唱歌、為某些品牌推銷產品，不過問到收入方面，他表示：「唱歌嗰度，要先試幾場睇吓反應，如果成功就會簽長約，所以暫時冇收入。」提到他現時要全面轉型做KOL，麥包直言：「成個大氣候都變化緊，我開心自己出到嚟，有咁多人畀機會我，希望搵到出路。」
米雪指松哥精靈
另外，問到米雪有傳劉松仁（松哥）疑似中風，經常與他來往的米雪代澄清：「佢唔係中風，其實佢做舞台劇嘅時候，喺後台click到跌親，跟住要休息，唔係好方便行。」再追問松哥真的不是中風？她說：「唔應該係，佢好精神，好精靈，當然佢又非常小心，醫生叫佢唔可以行大步，佢都好聽話。」米雪透露松哥現時亦有為音樂劇《利瑪竇》開會，她續說：「本來呢個期間會有演出，有好多地方邀請，遲啲開show佢都會做，我就一定會棒場。」
採訪、攝影：黃曉妍