李克勤昨日到商台擔任節目嘉賓主持，請來老友宣萱做嘉賓，他們透露彼此是鄰居，現時每個月都會搞一次大食會。提到宣萱今年失落視后，克勤即說：「梗係唔抵啦，如果我可以幫佢爭取，我一早爭取咗，不過佢都攞過，唔志在。」宣萱謂：「攞過都可以再攞，冇人嫌多。」問二人會否再合作？克勤笑言已一把年紀，怕捱不住。宣萱笑指克勤在無綫有地位，凡事都可以傾，克勤說：「契仔即係唔係親生仔！」宣萱笑指：「做親生仔有啲嘢要啃，熟熟哋先啱，但又唔好太熟。」
對於黎明榮升做爸爸，克勤說：「恭喜，四大外父，咁鬼蹺嘅，開心嘅事，我係過來人，我知。」提到黎明的「漢奸論」，克勤直言不敢評論。
採訪、攝影：黃曉妍