【本報訊】《議事規則》修訂通過前一星期，公民黨黨魁楊岳橋「小登科」設酒會宴客，部份網民批評他邀請支持修訂的建制派議員出席，與他們高興合照，質疑楊在議事堂批評「敵人」時有多真心？楊反駁，邀請議員同事出席是基於禮貌，自己言行也代表公民黨，不能小器：「唔通我黑面對住人咩？到你自己結婚嗰一天，你會明白。」
楊指邀請賓客出席婚宴是出於禮節，同時礙於自己身份，有些人一定要請：「有時啲三姑六婆你唔想請，你都要請，我喺呢方面比較傳統，同時我係公民黨黨魁，做嘅嘢會比人算喺公民黨頭上，唔能夠太小器……出席你婚禮嘅人，未必個個都係你自細長大嘅好朋友。」他指「喺第一次世界大戰，1915年嘅聖誕節，德軍與英軍都會停火，雙方士兵踢咗球場波，連兵戎相見都尚可停火，踢場友誼波，可況我哋（立法會）？」
有人堅持議會內外也要敵我分明，楊指反映社會撕裂遺禍至今：「你唔係同我一齊就係我嘅敵人，到今日呢個情況都冇咁易化解，但我不會怪人，不過我覺得做人要有基本禮貌。」
■記者姚國雄