城市人都鍾意璀璨熱鬧嘅生活，唔只香港㗎，內地近年更加係土豪化；但喺藝術家眼中，其實是金玉其外咋。
尖沙嘴K11最近豎立咗大型藝術裝置《坐井觀天》，超過5米高嘅井，外部鑲嵌嘅金色鏡面，金光閃閃，但走近一睇，其實係由超過40個廢棄陳舊嘅窗框組成，儼如一個奢華但虛幻嘅世界。原來製作呢件作品嘅內地藝術家宋冬，覺得人人都係井底蛙，一定要試吓走出井外，重新檢視世界。
K11即日起至明年1月9日，首次在港展出《坐井觀天》；「北極光燈光匯演」亦會喺每晚5點至10點上演，會出現40組特別燈光效果，並會配合代表唔同季節嘅聲音。