人大釋法有好處，不遺餘力消滅校園港人自決聲音的盲左中學，有比生涯規劃更貼地的課題了，叫學生大辯解，查找人大釋法的正面睇。學生好莊重、忠誠、準確、完整咁交功課，發誓認為：
好處一：支持釋法的社團，包括鄉紳、同鄉會以至黑社會，夾錢登全版報紙晒冷。奄奄一息的紙媒，唔執笠，全靠愛國陣營條大水喉。
好處二：人大釋法和大媽恤髮一樣，有了第一次，一定陸續有來，欲罷不能。在梁振英任期中，估計會有第……六、八、九次咁多。傳媒唔慌無工開，我的志願本來想做摺凳工程師，依家索性摺埋，一於做記者，見證黑暗時代的沙石！
好處三：香港釋法是全中國唯一的，換了內地城市，梁游兩隻小學雞早被強力部門挾走。香港真係住得落，釋法教大家安心，繼續股照炒，我阿媽應承磚照擲！擲錢買定樓花等我將來結婚上車。巧開心喲！
好處四：李飛好有台型啊，話釋法就釋法，強過美國N倍，佢應該做總統！