郭羨妮（Sonija）和湛琪清昨日到尖沙嘴新太陽廣場出席聖誕活動，Sonija表示一直很喜歡聖誕節，尤其是生了囡囡後，更加着重節目跟囡囡和老公相處。被問到會否計劃趁節日一家人去旅行，她說：「想㗎，仲計劃緊未諗到去邊，個女就鍾意去海灘，但又想帶佢去遠啲，見吓聖誕老人或者去英國，都要度埋老公嘅工作，最緊要屋企人開心。」
Sonija透露間中返內地出席活動，其餘時間多數留港湊女，會否考慮拍劇？她說：「要睇劇本，如果時間唔長可以考慮，始終都想陪多啲個女，小朋友嘅時間一過咗就冇㗎啦。」Sonija指仍然有戲癮：「早排睇完馬仔（馬浚偉）嘅舞台劇，好好睇，又好想做吓，馬仔都話再開已經預咗我，叫我唔好推。」
採訪：曹家誠
攝影：沈健程