KD加盟勇士隊抱團搶冠，換來的卻是首戰即被馬刺狂炒，除咗恭喜我都唔知講咩好（係呀，Sorry，我係反抱團，反勇士的）。不過不能否認的是Stephen Curry的確是一個勁到冇朋友的超強射手，近幾年人氣狂升的他，亦有Under Armour推出第三代個人簽名球鞋CURRY 3，讓他與球迷們迎接新球季。
今次新鞋最大賣點是用上全新，以降落傘傘繩核心材料所研發的Threadborne織物技術製作鞋面，其特點是輕巧、 透氣但同時具有強而有力的支撐和保護性，感覺上有點類似Nike的Flynit和Adidas的Primeknit，但卻相對更緊密，質感上更堅韌，支撐性較前兩者強，但透氣度或較遜色。觀感上新鞋亦擺脫了上兩代的膠感，看起來更貼腳舒適，另外鞋身設計上，卻好像比上一代更減少了簽名球鞋的感覺，好像上代鞋舌上的「SC」標記，在今代由大大個UA 標誌取而代之，「SC」反而只細細地存於鞋前側，簽名亦只見於鞋內側，鞋後方雖有大大「SC」標記和名句「I CAN DO ALL THINGS」，但同樣以同色出現，觀感不算突出，未知粉絲會不會嫌新鞋不夠Curry味。
鞋底方面，CURRY 3繼續用上Charged Cushioning中底，緩震感覺應該跟CURRY 2相差無幾，外底則由上代的不規則「W」型，換成同方向的人字形紋路，抓地力或會更強。另外，新鞋更強調腳部的緊銷和橫移效率，以Meta-Wing 將兩側及中底碳板鎖實,能有效支撐腳部關節,包括腳踝與腳跟骨,起了保持平衡、旋轉、緩 震的作用,保持腳踝、足弓和前掌的穩定性。
不過，今次記者還未有機會以實戰測試新鞋，未能確定CURRY 3的實戰效能，但單講外形，好感度就比上兩代都要好。另外，CURRY 3首對「Dub Nation Heritage」的藍黃經典配色已經於即日於UA中環分店及香港官網發售，另外還有「SC Camo」及限量版「Reign Water」將分別於 10 月 28 日、29 日於各專門店和香港官網發售，其中「Reign Water」的湖水綠相當特別吸引，值得留意！
查詢：Under Armour (中環擺花街 38 號)
記者：韓繼聰
攝影：周旭文