【本報訊】曾任保安局局長的新民黨主席葉劉淑儀日前於電台節目稱有意競逐特首，更公開批評曾俊華擔任財政司司長10年「有啲hea住做」，曾俊華昨以「如果真係可以hea到10年，都幾有天才」反擊葉劉，結果再引來葉劉反駁，她更表明已開始做參選特首準備，日後再與曾「切磋」。
曾俊華：hea做10年係天才
曾俊華昨被學生問何看待葉劉淑儀指他「hea做」，曾笑言他做海關關長時，「葉劉係我老闆（時任保安局局長），所以佢咁多年都畀好多意見我」。曾認為葉劉在政府工作多年，「應該知道司長呢個位都重要，如果真係可以hea到10年，都幾有天才」。
正準備參選政綱的葉劉昨午回應曾俊華「天才」論時，讚揚曾出任海關關長表現良好，「有一樣工作佢做得好好，就係打擊翻版同侵權」，又曾在海外讀書，英文與文字根底好、有幽默感，主持世貿會議表現理想。但葉劉不忘再批評曾做財政司司長的表現，「佢做財政司表現係點，我諗第日先至再切磋啦」。葉劉更稱希望可以在論壇或電台節目上與他切磋，暗示必定參選。
■記者林俊謙、袁楚雙