國足噚日公佈下月出戰世盃外嘅大軍名單，老將鄭智落選，前鋒于大寶亦冇份，而揀咗後防老將杜威同前鋒楊旭入伍。內地網民都唔明主帥高洪波嘅決定，因為杜威同楊旭喺球會都冇正選；由於曾誠因傷落選，國足搵咗顏駿凌，但相信正選門將之爭會係楊智或者顧超。國足被編入世盃外亞洲區12強賽A組，暫時兩戰得一分，佢哋會先喺西安迎敍利亞，再作客烏茲別克。