上一任美國駐港總領事夏千福靠四出覓食然後喺facebook出post放閃呃like谷高人氣，履新近一個月嘅新總領事唐偉康（Kurt Tong，圖）噚日出席一個午餐會，被問到點解佢姓氏係Tong，堂堂美國人何解有個中國姓？唐偉康話有機會會向大家解釋，「可能下星期在facebook戶口（解釋），我要試試爭取facebook讀者人數，你們均有機會去表達意見」。
唐偉康話香港以美食聞名，「由具標誌性的點心至米芝蓮摘星及創新的國際美食，我期待嘗試所有美食」。本身肥底、有個大肚腩嘅佢話雖然打算減磅，但美食當前，都會照食可也。