巴神生性尼斯主帥感安慰，但那邊廂前水晶宮前鋒艾迪巴約就依然係爛泥扶唔上壁。話說日前里昂就宣佈簽唔成艾迪巴約，球隊教練根尼斯奧就爆出真正原因：「我約艾迪巴約嚟傾吓加盟事宜，諗住大家坐低舒舒服服咁傾吓，叫佢可以叫杯咖啡飲吓，點知佢就嚇我一驚，佢叫咗杯威士忌溝埋落杯咖啡度，仲叼住口煙。老老實實，呢個印象已經令我知道，里昂真係冇本事簽佢。」