每到新季就見不少品牌推新鞋款，雖則連潮流女王Victoria Beckham都高調話要轉着平底鞋，但經典高跟鞋款又有邊個忍到手？之但係幾吋高的鞋望就吸睛，着就認真難着，今次搵嚟香港大學公共衞生學院助理教授兼物理治療師方少萌同大家解話，睇吓點樣着高踭鞋舒服又襟行。
1. 全墊好過半墊 防滑墊重點貼
着有踭鞋時，體重會集中在前腳掌第二三蹠骨骨頭，行路時受力太多就會疼痛。如果高跟鞋是很尖頭的，走路時會把腳趾迫在一起，長此下去會造成腳趾外翻。教授指出， 相比前半墊，全墊而且有足弓承托的鞋墊是最理想的。但如果想重點加強前掌避震
坊間流傳用上玻璃貼或防滑墊，貼在重點受力位置。究竟真唔真？「那個也可行的，但要小心不要移位，否則變了受力不平均，反而有相反效果。」
2. 膠布貼腳趾更易變形
網上流傳，用膠布貼緊第二三隻腳趾可以有效卸力，着高踭鞋更舒服。有網民更實測過， 貼上後可以比平時可企多3倍時間！咁厲害！？方教授就話千祈唔好，皆因「將幾隻腳趾迫埋一齊，其實目的是把腳趾緊貼，令腳趾更易fit入尖頭鞋。呢個方法短暫來說可能會舒服一點，但長期來說是非常不健康」，變相自己紮腳，令腳部更易變形咁話！
3. 長鞋身款更舒適
如果真的要穿尖頭鞋的話，教授就建議挑選一些鞋身較長的款式，令腳趾不用迫在細小空間。但已經買咗嘅鞋點算？其實在家中也有方法讓鞋楦變得更舒適，可以喺密實袋注入適量水，放入鞋楦，然後放入冰箱一夜，利用冰膨脹令鞋楦變大，簡單又方便。
查詢：
（a）BCBGeneration from millie's 朗豪坊地庫1層08-09號舖
（b）Roger Vivier 中環置地廣場一樓105號舖
（c）Pedder Red 尖沙咀海港城Gateway Arcade 2345號舖
記者：黃樂雯
攝影：徐振國、周芝瑩