證監會與市場就收緊上市審核工作角力，於諮詢期宣佈延長後仍然持續，更有越燒越烈之勢。有投行友人向密西比透露，反對改革人士仍馬不停蹄向各方游說，試圖改變證監決定，市場人士亦已把相關改革，定性為證監「奪權」舉動，更醞釀於諮詢期完結前，再來一波強勁「反噬」。
友人說：「（證監）今次搞人哋個飯碗喎，人哋當然同你死過啦，證監推出呢個諮詢嘅時候，無理由無諗過會有呢個情況嘅，只係唔明白證監到𠵱家，最勁都只係推咗個證監主席出嚟講嘢，搞到好似無人支持佢哋改革咁樣……我哋呢邊仲會繼續搵人出嚟講嘢㗎，總之反對到最後。」
反對動作「浪接浪」，推翻改革信心有多大？友人笑指，其實不是太大。他說：「老老實實，用以往例子推斷，諮詢去到呢一步，可以完全拉倒嘅可能性唔大，估計到最後，點都要加大證監喺上市審批嘅角色，另外，好似上市門檻呀，禁售期呀，相信都要加高好多……改吓，證監好落台，好過變死局。」
山重水複疑無路，柳暗花明又一村？
密西比