劍橋港姐麥明詩（Louisa）日前親口承認與大律師男友林作分手，降級做回朋友，有指分手原因是男方花心、少爺仔脾氣及多嘴，而林作前日出席活動時反咬女方，指從來沒承認二人是男女朋友關係。其實林作花心有迹可尋，三個月前向索女律師Victoria抄牌，而早前女友在巴西做奧運主持期間，越洋短訊提出分手，當時被飛的林作原來又出動與索女gathering，紓解失戀。
同女仔嘻哈
日前，讀者王小姐透過本報「爆相爆片」，提供了林作上月13日現身淺水灣The Pulse酒吧Cabana的狂歡派對，相中林作身穿一條十足陳年鹹菜的孖煙囱粉藍色泳褲，赤膊上身展示小肚腩及光管腳，與幾位身穿比堅尼索女及男友人傾偈，當時他甚受索女歡迎，狀甚愉快，更拿着香檳擺甫士影相。王小姐表示：「嗰日見到佢哋大約有50人，包咗大半個場玩，林作大部份時間同啲女仔嘻嘻哈哈，不過佢好守規矩，見唔到佢有攬女。」
「都會着好耐」
本報找林作回應與比堅尼索女在酒吧池邊嬉戲一事，他笑言：「我都想知邊個衰人影我囉，當日都係清一色律師朋友，我拎支香檳都係for影相，我強調我條泳褲好靚，以後都會着好耐。」提到他受異性歡迎，他表示：「唔係，自己外貌都唔係咁出眾！」再問到他有否要向身邊人備案，他說：「我不嬲好自由，唔會避忌，人係需要自由，社會需要自由，香港人都需要自由。」
採訪：馬建華