利標（787）行政總裁樂裕民前年搵來老友鬼鬼嘅「萬人迷」碧咸合作，成立合營公司Seven Global後，噚日又宣佈，搵到美國樂壇天后Katy Perry一齊成立新合營公司。但股民似乎對呢位美國天后認識唔多，消息對利標股價冇乜刺激作用，利標跟大市跌逾1%。
相對同碧咸嘅合作，利標今次反而講得清楚少少，起碼講明合營公司係擴大現有與Katy Perry喺鞋履方面嘅合作，將着重發展佢嘅品牌，首個鞋履系列將於明年春季全球發售，遲吓再加入新消費產品類別。利標之前有搵碧咸來港開記者會，唔知明年會否搵Katy Perry來港行一轉sell鞋呢？