美國總統大選進入倒數兩個月，高盛最近向高層落禁令，唔准捐錢畀共和黨候選人特朗普，但民主黨候選人希拉莉就唔受限制。
《財富》雜誌攞到高盛上月29日向員工發出嘅memo，叫公司450名合夥人唔好向任何州份或地方選舉參選人捐款。高盛高層唔可以向特朗普捐錢，就連特朗普嘅政治行動委員會同超級政治行動委員都唔得。
高盛高層想捐錢畀民主黨候選人希拉莉呢？咁就不受限制喎，因為希拉莉冇公職，加上佢嘅競選拍檔只係參議員。
不過話時話，民主共和兩黨總統候選人嘅財務總監Gary Gensler同Steven Mnuchin都喺高盛做過，籌錢嘅嘢，問吓舊同事又有幾出奇喎。