麥明詩痛哭認撇花心男林作，麥媽媽和林媽媽做不成親家，之前麥明詩與林作冷戰期間，兩位媽咪都表明立場指林作唔夠好。
林媽媽鬧兒子唔生性
林媽媽一直視麥明詩為未來新抱仔，早前豪擲6,500萬買豪宅給兒子林作將來做愛巢，上月50歲生日更開口說恨飲新抱茶，大讚麥明詩又好又乖女，甚至當眾訓斥被影到蜜會長髮女的兒子要生性：「阿仔要乖喇，𠵱家開始會好聽話，放心啦，嗰日我話佢呀，我叫阿仔要生性。」可惜這杯新抱茶飲到嘴邊都飛走。
麥媽媽對林作冇期望
麥媽媽培育女兒做十優港姐，早前麥明詩因林作媾女傷心到喊，被問到想不想女兒跟林作修好？麥媽媽坦言：「冇特別乜嘢期望，希望個女幸福快樂。」麥媽媽表示見到女兒喊，自己只能攬着她安慰支持，問到對林作的印象，她只說：「林作嘅人我唔評論，由我個女評論好啲，但係佢應該幾孝順，呢個值得一讚。」