里約奧運啱啱結束，一班中國金牌運動員接連訪問港澳。澳門特首崔世安日前就喺運動員訪澳時致歡迎詞；對住中國運動員，當然以普通話發言，而佢嘅普通話水平就真係路人皆知。
《愛瞞日報》將佢嘅發言短片繙譯成廣東話字幕，po上fb。八方非常感激咁幫忙，皆因齋聽崔話，「澳廉仆街運動會，剛幹在巴絲打你約爺來佬樣悶結束」，真係估唔到佢想講乜；其後佢又話運動員「在比賽搶香」，唔知情嘅人，會唔會以為今屆奧運新增「搶香」？
而之後嗰句：「熟耙麵打鹽排、肉絲撈麵打桶排」，唔係晚宴餐單，但都夠大家笑餐飽。但如果係澳門嘅「豬民」，唔知笑唔笑得出？