報跑9月11日1800米沙地一級賽，韓國盃嘅方廄泥地怪傑「準備就緒」，上星期三試閘表現麻麻，幕後決定今早(8月31日)試多一課泥地1200米閘，「準備就緒」出閘留到最後，入直路後，喺杜利萊稍稍推騎下，馬兒即交出良好反應，輕勝3個馬位而回，表現有所進步。
不過方嘉柏嫌「準備就緒」狀態唔係top fit，決定放棄首爾之旅。方仔話希望呢2個月能夠令「準備就緒」嘅狀態進一步回升，新目標係出戰11月初美國育馬者盃泥地一哩大賽。
「準備就緒」為香港的泥地王，六次跑泥地，全數勝出；上季牠更遠征日本及杜拜，當中在更於2000米泥地一級賽麥通第三輪挑戰賽獲亞，證明牠在泥地實力。雖然牠今次不過韓國，但養精蓄銳跑更擅長的一哩，亦不失為一件好事。