尚有數天便是立會會選舉投票日，港台昨早舉行新界西選舉論壇，候選人就多個議題如機場三跑、周永勤退選等激辯，報稱獨立的何君堯在論壇上與多位候選人針鋒相對，火藥味頗重。
熱血公民鄭松泰指同區的候選人周永勤稱被「強力部門威嚇」，叫建制派舉報何君堯，「如果大家咁多位建制派口講法治的話，麻煩你哋即刻舉報何君堯，佢嗰兩條聲帶係已經認咗，由佢嘅義工流出嘅」，又指何「一次喺法院自拍、一次自稱社會工作者，而第三次係利用義工恐嚇周永勤」，叫何立即去自首。何君堯沒有正面回應，僅指「鄭松泰一早就喺度吠，你話我哋係走狗，但我覺得你就好似一隻。」
獨立候選人朱凱迪指建制派對周永勤棄選事件視若無睹，「你哋班保皇黨睇住周永勤畀人暴力恐嚇，為咗你自己建制派的利益，你居然可以唔出聲，你摧毀緊香港核心價值，你點對得住香港人？」民主黨尹兆堅亦指，周永勤事件顯示出「一國一制」已出現，質問在場多位建制派沒為周發聲，「強力部門搞緊周永勤就係犯法，你哋有無為佢出過一句聲？有無……無呀，而家都唔敢出一句聲呀！」
同區參選名單詳見此網頁： http://bit.ly/2aDHmxj