參選九西嘅教主黃毓民(圖)早前同青政開片，仲呼籲所有熱普城支持者投佢，要排第二嘅馬愉生都贏，但《有線新聞》噚日播出教主訪問，教主唔係咁講，仲話情願畀教主鬧足咁多年嘅民協譚國僑贏、都唔想青政游蕙禎贏喎。
教主喺訪問話，其實九西都冇咩懸念，最尾嗰席都係民協，或游蕙禎同劉小麗之爭。八方覺得好奇，咁馬愉生呢？之後教主又話，九西上屆議員係四女一男，得佢一個男人，所以應該保障男人，選多個男人，之後有線記者補充，話教主情願譚國僑贏、都唔想游蕙禎贏。教主鬧民協又傾又砌咁多年，忽然話譚好過游，班教徒點轉得切？
該區其他參選名單，請參閱本報立會選戰網站 http://hk.apple.nextmedia.com/legco2016/region