林夏薇老公莫贊生(Jason)忽然被「翻舊賬」，話佢未識林峯堂妹林夏薇前，追過陳慧琳、鍾嘉欣，Jason曾經同Donut前成員Caroline拍過拖三年，有指最終係Jason逼婚，令Caroline提出分手三年前喺生日派對識到林夏薇，當時二人火速撻着。
林夏薇前晚出席活動即出口護夫，佢覺得舊情史完全冇問題，佢都識咗Jason好多年，認為每個人都有自己嘅過去，亦冇咩好介意，又自爆同老公咩都講，二人根本冇秘密，亦互相信任，又讚老公係負擔任、非常好嘅老公，為人正直，而且好支持林夏薇嘅工作，不過，林夏薇就覺得有啲唔好意思，因為自己嘅職業影響咗屋企人，希望大家唔好將重點放喺佢老公身上，老公並唔係圈中人。