今年3月「警鐘胸」Jessica C.（JC）為未婚夫安志杰生咗囡囡Tessa，轉眼Tessa都有五個月大喇，前日安志杰就孭住囡囡同JC行街街，見到Tessa得意到不得了，其實今年圈中都盛產咗好多可愛嘅星二代。
蔡雪瑩
前女主播蔡雪瑩於上周四(18日)榮升人母，幫全國政協朱銘泉兒子、上市公司太子爺朱威霖（William）生咗個「慈姑掟」，囝囝英文名叫Wesley。
李心潔
李心潔同彭順嘅婚姻曾經出現問題，但佢哋一齊努力挽救，上月李心潔以40歲嘅高齡，幫彭順生咗孖仔濟雲同子然。
關心妍
關心妍(Jade)一直都想做媽媽，今年終於得償所願，上月幫結婚7年嘅老公楊長智生咗可愛嘅囡囡楊榮心，前日榮心仲滿月添！
伊能靜
年屆47歲嘅伊能靜，去年同大陸演員秦昊嘅姊弟戀開花結果，今年6月喺美國剖腹產 女「小米粒」，事後傷口含膿，於微博發千字文幫討醫生。
李蘊
李蘊去年6月跟拍拖三年嘅大陸生意人羅章冠註冊結婚，今年1月喺海南島舉行婚禮，5月早產，誕下囡囡紫晞。
劉倩婷
港姐冠軍劉倩婷同堪輿學家李丞責結婚3年多，終於今年3月，佢哋榮升父母，劉倩婷幫李師傅生咗囡囡李阡辰。
陳茵媺
三年抱三嘅陳豪同陳茵媺，今年3月，Aimee為陳豪生咗個小公主Camilla。