寨卡病毒肆虐令到唔少人聽到巴西都怕怕，有鹹濕網站就借佢過橋做宣傳。呢個網站日前以撲滅寨卡做口號搞優惠，只要𠵱家喺里約熱內盧，唔理你係居民、奧運運動員定係遊客，全部都可以免費做網站高級會員，提供高清猛片任你睇。睇鹹片其實同防止寨卡有乜關係？佢哋話大家睇片嚟降慾火，減少體液交換咪可以減少寨卡傳播囉。