陳瀅和賭王何鴻燊四房大仔何猷亨結束短暫的半年情，終告分手收場。盛傳逼婚不遂，又和藝員張振朗傳緋聞的陳瀅，昨日在上環出席「『細』味遊澳門揭幕禮」，親身解畫。她剛於加拿大回港，心情看似不俗，被問到此行是否療情傷？陳瀅表示因之前拍劇，受角色影響而心情低落，所以放假探望親友，充電休息。當問她為何男友沒陪伴同遊時，陳瀅還在說猷亨要工作，並謂：「我哋好想低調處理感情事，只係覺得最重要係事業，將感情退後少少。」她強調未有結婚打算：「共識做嘢先，感情會退後，唔會係向前。」
「我哋有壓力」
陳瀅起初仍在迴避提及分手，當問到和猷亨是否情侶關係，她支吾以對，苦思良久後才說：「𠵱家可能用另外一個關係去關心對方囉！就係退後一步嘅關係。當我兩個都好想人注意我哋工作上嘅努力，就偏偏好多人都鍾意聽我哋嘅感情事，間接會令到我哋有壓力，所以就用一種舒服方法去關心對方。」
稱張振朗無辜
問到是否男方家人施壓，陳瀅猶豫後說：「大家想繼續專心工作。」再追問她與猷亨是否仍是情侶？她笑住說：「情侶關係再退後一步囉，哈哈。我覺得咁樣開心舒服，因為冇咁多壓力。」會否感到可惜？她笑謂：「我覺得反而係好事，𠵱家好舒服、開心。」誰先提出分手？她稱：「唔會講得咁仔細，總之有共識啦！」分手是否涉及和張振朗緋聞？她即緊張說：「嘩！張振朗真係無辜，我哋拍緊劇，劇中係情侶，現實只係朋友，都唔知我慘定佢慘。」開始歡迎任何人追求？她笑說：「我不嬲都好friendly，訂婚戒指、個啲乜訂情信物，我成日戴住，我唯一嘅老公，就係何雁詩同劉佩玥。」
採訪：卓寶花
攝影：陳順禎