【本報訊】「爸爸同Edmund傷得好重，阿媽、細佬同細妹又住唔同醫院，我好擔心。」在德國火車上無辜遇襲的姓邱港人家庭，包括已退休邱氏夫妻（62及58歲）、三女Tracy（26歲）、三女男友Edmund（30歲），及17歲幼弟阿銘。邱家長女Sylvia昨接到至親受傷消息，傷心痛哭，即晚與丈夫趕赴德國。
據悉，已退休邱氏夫婦有三女一子，長女Sylvia已婚，二女Nicola在英國居住，任文職的三女Tracy與姓歐陽叫Edmund的男友相戀多年，而17歲的幼弟阿銘是民生書院中五生。
Sylvia透露，父母等一行五人於上周三（13日）出發到英國，參加一名至親的婚禮，Edmund是特意請大假陪三妹歐遊。一眾人約5日前到德國自由行，「Tracy好鍾意行博物館、小鎮等，我哋都唔知佢哋行程，只知道佢哋計劃月底回港」。
17歲名校生無受傷
Sylvia表示，昨凌晨事發後，無受傷的阿銘先致電英國二妹，二妹再通知她父母等人在德國遇襲受傷。她憂心不已，稍後聯絡上阿銘，才得知家人的確切情況。她稱，由於受傷家人事後分送不同醫院，「細佬同阿媽送到同一醫院，醫務人員已經幫佢（阿銘）做咗檢查，知道身體冇事，但情緒仍未平復，細佬亦唔知其他人傷勢及最新情況。我哋睇報道知道爸爸同Edmund傷得好嚴重，好擔心。」Sylvia昨晚與丈夫出發，由入境處人員陪同前赴德國探望受傷家人。
今次首當其衝的Edmund是工程師，其公司職員回覆《蘋果》查詢時指，由於今次是Edmund的私人旅遊，公司不便透露詳情及作出評論，亦已聯絡其家人，設法提供適切協助。Sylvia又稱，阿銘就讀的民生書院昨亦與他們聯絡，表達校方非常關注。
■記者黎家駒、張家豪