笑料百出、始終對民建聯不離不棄的立法會議員鍾樹根，他FB所聲稱的「大PROJECT」已經完成，首本巨著《跟蹤‧鍾根》昨日下午面世。書中披露他從政多年的心路歷程，以及「鮮為人知的文藝一面」。
新書發佈會於中環一家書店舉行，Tree Gun於發佈會開始前替新書簽名，一邊對鏡頭風騷的說：「Hi，我係Chris，唔係Chirs......今次我第一次出書呀，好緊張喎，你睇睇有冇錯字，捉到之後話畀我聽，我有贈品。」
又大抽銅鑼灣書店事件水，笑指：「呢度係書店嚟架，呢度唔係銅鑼灣，呢度係中環，好彩租到中環，如果唔係要去銅鑼灣架啦！」而盛傳九月立法會選舉會騎過Tree Gun排民建聯港島名單首位的北極企鵝張國鈞「大狀」亦有前來踩場「交流一番」。