愛爾蘭騎師郭能這天特意到場，為徐廐「飛皇騰達」進行拍跳，徐雨石一直凝神貫注用望遠鏡吼實。晨操專家積奇表示，此駒馬身靚情緒集中，出腳輕爽有勁，十分有鬥心。
「飛皇騰達」原本由蘇偉賢訓練，季中在賢廐兩捷，之後下滑，上月5日敗後幾天拉倉，其實加盟徐雨石還不到一個月，已可部署轉倉初出，爭周三(6日)快活谷三班1800米，可見牠的健康狀態非常理想。
「飛皇騰達」贏兩Win仍要拉倉，反映幕後對這匹愛駒睇得甚高，亦心急再勝。睇番「飛皇騰達」2月在港第三戰，狀態只係初起時，已可力挫「歡樂小子」、「勇駒」贏馬，「勇駒」最近先勝三班，繼而在二班上名，所以「飛皇騰達」今仗轉倉初出即用猛將郭能，一定不可睇低。