美國奧運游泳遴選賽上周五嘅焦點，一定係兩大老將兼老對手費斯同洛捷迪喺男子200米個人四式決賽嘅對決。雖然31歲嘅費斯由頭帶到尾，以1分55秒91率先掂池，但同樣係31歲嘅洛捷迪亦唔差，全程緊逼費斯，以1分56秒22得亞軍，兩人喺一個月多啲之後，就會喺里約熱內盧奧運再鬥過。另外，據報首爾東部法院日前作出終審判決，裁定停賽期滿嘅泳手朴泰桓具備代表南韓參加國際賽事嘅資格，不過南韓奧委會話要等埋國際體育仲裁法庭（CAS）嘅裁決結果先喎！