視帝林保怡近日與周家怡為ViuTV拍攝的劇集《瑪嘉烈與大衛系列 綠豆》，演技發揮得淋漓盡致，而上周二晚播出的第24集，飾演瑪嘉烈的周家怡因背叛飾演大衛的保怡後覺得內疚，於是與保怡分手，保怡返家後發現瑪嘉烈離開，又失落又傷心地落淚。這幕分半鐘的喊戲，獲不少網民大讚神級演技十分感人。
對此保怡昨說：「好多網民睇完都喊，封咗我做神呀。嗰個鏡係一take過，多都唔得，我冇咁嘅功力做第二個take啦。現場都有好多拍攝嘅人員，佢哋都睇到流眼淚。」劇集後日大結局，對於劇情，保怡未肯多講，但就着大家留意字幕後會有數分鐘精采片段播出。
採訪：魯吉