英國近期嘅真人騷越嚟越大膽，繼老牌真人騷《老大哥》找來痴男怨女，喺鏡頭面前慾火焚身，尺度過火似鹹片情節。
英國電視台Itv泡製嘅求愛真人騷《Love Island》日前又再挑戰底線，節目找來12個男女喺小島上相處，每對男女晚上都會分到同一張床上一齊睡，由於所有床都喺晒同一個房，加上有錄影機影住，如果有火花嘅男女做咩都會被睇晒。
不過日前播出嘅一集，19歲嘅Emma同28歲嘅Terry竟然打破慣例，喺被竇外女上男下纏綿，旁若無人。節目播出時間係晚上9點，有團體抗議喺電視台咁早播埋啲咁兒童不宜嘅節目，簡直教壞小朋友，亦將男女之間嘅性關係描寫得太隨意。