90年9月一匹名不經傳的新馬，首次上陣起步大脫腳，結果卻以旋風式後勁大勝3身位，牠的名字叫「翠河」，之後「翠河」再贏15場，成為一代馬王。約26 年後，剛周五有匹初出之「巴基之星」由馬壇神童蔡明紹操刀，幾乎以同樣模式贏馬，震驚全港馬迷。
對於這匹身價600萬之3歲馬，蔡明紹喺賽後翌日，被問到「巴基之星」沿途落後甚遠，當時有冇擔心時，他就有咁嘅答案：「我當時並不太感到憂慮，因為從此駒晨課試閘走勢估計，末段將會上前，縱是早段遠離馬群，但直路上發揮衝勁才是最重要。其實大約終點前300米左右，我便知道牠會勝出。」
對此駒前景有何睇法？蔡明紹說：「我認為牠至少可以應付1600米。」
「巴基之星」將是一匹明日之星嗎？蔡明紹說：「現階段我不能說太多，但來季前景絕對值得看俏。」
「巴基之星」原來寫下了三個新紀錄。首先，此駒最後400米以21秒22完成，是馬會自從2008年5月公佈馬匹分段時間以來，在沙田草地1200米錄得的最快時間，以毫無作戰經驗的3歲馬來講，簡單係奇蹟。第二，自從2000年本港有德國馬服役以來，「巴基之星」是首匹第一次上陣即勝之德國馬。第三，此駒是今季唯一沙田A加3跑道1200米14檔劣位勝出馬，對上兩季唯一同類份子「澳斯卡」已升至頂班111分，相信「巴基之星」前途無可限量。