北海道札幌岡薩多雖是日乙一哥，但首席射手都倉賢停賽缺陣，攻力受損，故周日迎戰FC橫濱讓半/一，一於博下盤。
岡薩多以19戰得42分排第一位，近11場聯賽更錄得九勝一和一負，外界普遍睇好岡薩多擊退FC橫濱。然而，今季聯賽入10球的前鋒都倉賢坐波監，中場稻本潤一、宮澤裕樹及迪亞高馬些度等亦無法披甲，人腳並不完整，贏面因而大減。
至於FC橫濱近七場聯賽一勝三和三負，近況麻麻，但陣容尚算完整，其中49歲的前鋒三浦知良老而彌堅，連續三場打正選兼於前仗攻入一球。「讓球」FC橫濱受讓半/一，下盤博得過。
撐羅亞素下盤摧「花」
同日熊本羅亞素主場對大阪櫻花，主隊上周中打和京都不死鳥1:1，連續五場不敗，陣中的前鋒清武功暉腳風甚順，近五場入三球，故面對有柿谷曜一朗及秋山大地等因傷缺陣的櫻花受讓半/一，有力偷雞取得分數，下盤值博。另外，松本山雅近七場聯賽取得六勝，加上人腳算是完整，後衞飯田真輝更於上場入兩球，故有力作客贏水戶蜀葵，客W可捧。
文：青蛙仔