【藝人】
阮兆祥：
好有驚喜，冇諗過會有粗口，加咗粗口會更加突出人物性格同情緒。個劇本改編後好地道好貼地；子華好帶動到觀眾情緒，法拉喺美國返嚟之後令人有耳目一新、好生活化嘅感覺。
蔡一智：
好驚訝佢哋好似一家人咁，個小三同佢哋嘅關係好微妙，竟然可以親密到咁！呢個係子華3.0。
【觀眾】
陳先生：
今次已經係舞台劇融合咗棟篤笑，故事帶嚟好多社會嘅訊息，反映咗唔同階層嘅角度，生意人、學生、老師，講得好全面，唔似官方講嘅說話。
梁先生：
都係民生想講嘅，個劇本都有好多香港事，都睇得出繙譯好畀心機，都講得出我嘅心聲，例如法拉講坐巴士嘅時候，好似我自己都會享受呢種感覺。
林小姐：
好好睇，自己一直喺度笑，我係法拉粉絲，覺得佢表現好好。第一次聽法拉講粗口好好笑，我畀9分。