美國奧運田徑遴選賽亦都進行得如火如荼，而其中一個焦點就係高雲（Marquise Goodwin）究竟可唔可以連續兩屆奧運，都代表到美國參加男子跳遠。高雲有乜嘢來頭會咁受注目？因為佢本身仲係NFL球隊水牛城比爾嘅外接員（Wide Receiver）囉！高雲話，佢對美式足球同埋跳遠係一樣咁熱愛，雖然如果順利入選美國奧運隊嘅話，就會缺席水牛城大部份嘅季前集訓，直接影響到自己喺新球季嘅上陣機會，不過奧運係四年一次嘅盛事，所以佢點都會力求再入奧運爭獎牌。