今屆歐國盃16強出局嘅北愛爾蘭同埋愛爾蘭，周一齊齊返國。愛爾蘭正、副領隊奧尼爾同埋堅尼落機嗰陣，面如死灰。相反，北愛領隊米高奧尼爾就面帶笑容，似乎好滿意球隊嘅成績；咁又係，外界賽前睇死佢哋唔可以喺分組賽出線，但最終以其中一支最佳第三名身份入16強，難怪返到北愛之後舉行咗祝捷會，球員更喺會上將米高奧尼爾拋起，認真高興。