最近喺網絡人氣急升、預計下周公佈係咪退出民記嘅鍾樹根，噚日喺立法會走廊見到黃毓民時，就話自己最近舉動都係學毓民，毓民即場潛出手機向Tree根展示一張最近做棟篤笑嘅相，笑住話：「我靚仔過你九倍啦！」
Tree根不甘示弱反擊話：「我以為你拍咗啲以和為貴嘅相，做新一代揸fit人喎！」毓民聽到，即場否認：「我60幾歲，仲做揸fit人咩？」
Tree根仲話最近出席《城市論壇》，發現好多後生仔話𠵱家香港唔公平，但其實殖民地時代仲唔公平，毓民聽到又忍唔住反駁：「乾隆時代咪仲唔公平？慈禧時代仲唔公平？」Tree根聽到食住上話要去毓民網台同佢「對揪」，似乎兩人仲有排拗！