若然唔同你講相中嘅，係贏過2013年溫網女單冠軍、現年31歲前法國網球手芭杜莉，你肯定以為佢係一個五十幾嘅老女人。芭杜莉本身係肥妹仔一名，但據報因減肥過度，結果搞到人唔似人，鬼唔似鬼，外表睇落蒼老咗好多。消息指，佢喺三年內減咗超過40磅，家陣得番105磅左右。雖然唔少網民都覺得佢好唔健康，但佢就一於少理，仲話好鍾意𠵱家嘅身形。