讀書年代喺學校食完晏，好多男同學都鍾意落球場打媖波，學校老師通常都唔會點理，最多都係話兩句，叫大家唔好着住皮鞋踢，但英國一間小學，竟然咁小事都要強制五至七年級的學生落場踢波前要簽份合約，承諾遵守17項條款，包括不會將球場上的恩怨情仇帶到課室、不會因為踢波荒廢學業、不會惡意犯規、不會幸災樂禍、在球場上只會講有勉勵性及正面的說話、輸了不會不服氣等，如果學生違反以上守則，初犯會被罰停踢三日、再犯則停踢一星期、犯規三次則在學期餘下的日子都不得再踢。
校方解釋，因為過往有學生在午飯及休息時間時踢波「發生過一些事」，才會想到擬定這份合約，該合約還要家長簽名作證，有家長直指荒謬，認為校方小題大做，對小朋友不用太嚴苛。唉，學生肯踢波做運動咁有益身心都要諸多阻撓，到底學校班高層諗緊乜呢？
資料來源：英國都市報
記者：黃子配