練馬師方嘉柏旗下的「豪逸」，在今季開鑼日配上蔡明紹，即後上擊敗「同個夢想」，捧走一班田草1200米特首盃，馬主呂卓恒同細佬呂卓基及父親呂少文，三仔爺上台接受政務司司長林鄭月娥頒獎，別具意義。
不過，「豪逸」自該仗取勝後，其後七仗未能再入三甲，周日(19)此駒出戰第十場二班草地1200米，對手唔算太強，呂卓恒點睇呢？
呂卓恒說：「隻馬今季第一次跑番二班1200米(田草)正宗路程，早前睇牠試閘試得唔錯，在前列回來(跑第一)，當然孭133重磅，隻馬可唔可以孭咁重磅，比較難估計，但蔡明紹手韁繩不嬲同此駒幾合拍，應該幫到隻馬，C加3跑道抽得2檔，睇番上名率都差唔多有一半，照計都好跑，主要對手就係12號(威力川)、7號(幸運歡笑)，呢啲馬都係內檔。我估計「豪逸」有三甲機會。」
其實「豪逸」5勝田草1200米，賽績咁堅，又點止只得三甲機會呀？