【本報訊】林榮基勇敢道出失蹤真相，激發港人再上街遊行。他們都認為要珍惜可以發聲的機會，7.1遊行時會再站出來，捍衞香港核心價值。今年民陣發起的7.1大遊行，會以「決戰六八九 團結一致 守護香港」為主題。
攝影師林先生說，銅鑼灣書店事件「好誇張、好震撼」，他指《環球時報》「講到香港警方可能會同佢合作，將啲人押解上去，𠵱家好似乜都會發生」。往年他覺得年年遊行沒作用，但因為林榮基的勇敢，決定參加今年7.1遊行，「我哋有時冇乜可以做到，遊行都可能係一個表態方法，多啲人知道有人在意呢啲事」。
港大生籲朋友參與
港大一年級生陳同學昨首次參與街頭遊行，因林榮基敢言和李波在港被擄走涉跨境執法，令他上街。他認為今次事件非常嚴重，中共無視一國兩制、《中英聯合聲明》，侵犯香港人的人身、出版和言論自由，「如果一個賣書商人被打壓，我哋第日都可能被打壓」。因為銅鑼灣書店事件，因為林榮基的敢言呼喚，他直言今年7.1決定再上街，也會呼籲朋友參與，「我好少遊行，都係因為呢單嘢，第一次遊行，遲吓7.1可能會更加多人遊行，咁加入咗會有更大聲音」。
陳小姐昨日也走上街頭，「去到呢個地步都唔出嚟？唔得㗎喎」，她認為遊行也是一種表態方式，有些價值被消失了，就需要人走出來去捍衞，「要堅持落去，因為好興隔幾日啲人又唔記得咗，既然有人繼續搞，有時間就會支持。」她向來是7.1常客，今年也不例外，不會因為坊間質疑遊行無法撼動政權而不做，「我唔知點先叫有用，總之有機會就做。起碼畀政府知道，仍然有人去關注」。
■記者王家文、袁楚雙