法國揭幕戰2:1險勝羅馬尼亞，又交出助攻又射入絕殺金球嘅韋斯咸中場皮耶，就梗係最大功臣，皮耶老婆同佢嘅六歲囝囝路亞皮耶，都有入聖但尼球場撐場。路亞同老竇一樣梳個雞冠頭，年紀細細都好識講嘢，佢話老竇入波個陣，佢自然都開心到喊，而且仲話老竇仲有絕招未出，就係射罰球，路亞話老竇射罰球全世界最佳，連呢瓣都有埋，韋斯咸真係小心歐國盃後就俾列強挖角嘞。