公民黨嘅民航機師譚文豪Jeremy噚日唔再離地，變身鐵騎士由九展出發遊行，過海到金鐘政總，爭取電單車「區區有位泊」。今日天雨路滑，Jeremy同其他近廿名鐵騎士都小心翼翼，但都濕晒身變咗落湯雞。
Jeremy呢次濕身上陣，係抗議全港合法泊位嚴重不足，佢話領牌電單車接近4.8萬架，但合法固定泊位就只有約3.1萬個，近35%電單車冇固定泊位。而有大量車位嘅領展卻將電單車車位改為較賺錢嘅私家車車位，兼且將電單車車位租金加價。佢喺出發前仲以粉筆喺路面劃車位，寓意政府要增加車位。八方仲八到佢今日出動嘅私伙係Moto Guzzi V7 Racer，係自己送畀自己嘅生日禮物喎。