題為《中資行賤招逼走港人》一文「出街」後，投行朋友報料，指文中有關「中資行賤招」，其實有些外資行也用這「招式」，對「目標員工」軟硬兼施，希望以「最平嘅價錢」完成削減支出及員工數目的「成本優化計劃」，非中資行獨有，只是中資行喜愛使用。
不過，對「逼走港人」這點，友人語帶無奈地指以客觀條件而言，是個短期不會扭轉的情況。朋友說：「一句到尾，人工問題……好似一個兩年經驗嘅研究助理，香港人，月薪約兩萬元，又名牌大學畢業、又讀緊CFA又乜乜物物，已經叫做平，但同大陸落嚟嗰啲比，輸晒。」
「輸晒」這樣嚴重？朋友說：「係呀，大陸落嚟嗰啲，聲稱有兩年內地經驗，最低見過只係要求六千蚊人工咋！（平咗70%！）見工嗰陣我問過佢，話得六千蚊喎，喺香港點生活呀，佢支吾以對話冇問題，咁大家都明啦……唔講質素，件件咁平，香港人又點唔輸晒？」
誠如沈旭暉所言「中國需要香港，但是否需要『香港人』，是另一回事」。更替已在進行中。
密西比