由康宏冠名贊助嘅盧冠廷（LoLo）演唱會周六圓滿結束，場場爆滿，「財爺」曾俊華頭場亦前來捧場。原來「財爺」嗰日除咗睇演唱會，仲喺之前出席康宏舉辦嘅Pre-show cocktail party。現場所見，場面十分熱鬧，曾俊華除咗與康宏一眾生力軍交流之外，仲大玩自拍（selfie）。見財爺與年輕人玩得咁埋，咁受大家歡迎，難怪佢長期企喺民望嘅「尖端」。
另外，康宏副主席馮雪心喺party上致辭時話，康宏跟LoLo有好多相似嘅地方，尤其喺提攜後輩方面。佢解釋，LoLo貴為「樂壇長青樹」，但仍樂於栽培年輕人，康宏亦願意提攜後輩，畀佢哋一個可以自由發揮嘅平台。馮雪心唔係得個講字㗎，佢當日宣佈康宏將招聘600人，希望請多啲有心有潛質嘅年輕人，支持行業發展。