【立場鮮明】
【本報訊】工總名譽會長劉展灝生前獲委任不少公職，經常代表商界發聲，包括強積金對沖、標準工時等議題。劉曾於公開場合指，若取消強積金對沖，將有80%僱主裁員，又否認對沖打劫僱員荷包。有勞工界人士形容，劉展灝近年儼如商界「頭號打手」，是勞顧會及標時委員會發言最多的其中一名資方委員，在多項勞工議題上都和勞方「撐到行」，特別是標時立法問題更加寸步不讓。
身兼勞僱會成員、標準工時委員會資方代表的劉展灝，前日出席標準工時次輪諮詢的地區諮詢會，是他最後一次露面，遭街工成員譚亮英擲假髮抗議，指劉「冇頭髮」，故標時一直未能立法。
被指常擺大老闆格
譚憶述，當時劉坐在台下，有回頭望他一眼，「但佢冇乜反應，只係望一望，之後又擰轉面繼續耷低頭」。譚斥標時委員會一直偏袒商界，過去劉展灝面對質詢時，更經常擺出高高在上的「大老闆格」，他曾公開反諷勞方：「喺香港唔係老細話事，而係工人揸莊。」
標準工時委員會主席梁智鴻指，劉展灝不曾缺席會議，亦出席絕大部份大型諮詢會。工聯會理事長吳秋北指，與劉在勞僱會、標準工時委員會長期合作，立場矛盾、針鋒相對，但兩人均是從公事出發，並沒有私怨。他憶述劉曾上前慰問：「（劉）問我咁多壓力頂唔頂得住，我答邊有？平時係你畀最大壓力我。」
■記者廖梓霖